Per quest motiv utilisescha la ISDU uschè savens sco pussaivel noziuns epicenas, quai vul dir noziuns che na varieschan betg tenor la schlattaina (p.ex. « il secretariat » plitost che « las collavuraturas/ils collavuraturs »). 

Sch'i n'è betg pussaivel d’utilisar terms epicens, dovra la ISDU sistematicamain accords feminins e nunbinars per designar singulas persunas, da las qualas la schlattaina n'è betg enconuschenta, u gruppas che cumpiglian eventualmain dunnas u persunas nunbinaras. Per tudestg vegn quai realisà cun duvrar puncts dubels e cun agiuntar finiziuns supplementaras (per il pli -in per dunnas e -x per persunas nunbinaras).

La ISDU è conscienta che questa pratica na chatta betg  in consens e po esser malempernaivla per tschert:as lectur:as. Ella resguarda dentant sco sia incumbensa d'introducir las meglras praticas pussaivlas, era sche quellas n'èn anc betg fermamain derasadas.