A las incumbensas da la ISDU fan part l’infurmaziun davart ils dretgs umans e la documentaziun davart la realisaziun da quels en Svizra. Perquai vegn realisà qua in portal d’infurmaziun cumplessiv davart la situation dals dretgs umans en Svizra.

La ISDU è ventiraivla da pudair surpigliar cuntegns da la Plattafurma d’infurmaziun per dretgs umans da humanrights.ch sco basa per il portal d’infurmaziun. L’organisaziun humanrights.ch ha elavurà ed actualisà cuntinuadamain quests cuntegns ils davos ventg onns. La ISDU vegn ad elavurar quels cuntegns ed als cumplettar cun ulteriuras resursas.

Il portal è en elavuraziun. En paucs mais vegnis Vus a chattar qua il suandant:

Texts introductivs davart ils dretgs umans, basas legalas internaziunalas e naziunalas incl. giurisdicziun, infurmaziuns actualas davart cunvegnas ratifitgadas da la Svizra, infurmaziuns davart gremis internaziunals e naziunals per ils dretgs umans ed anc bler dapli.